என் விரலோடு
உன் விரல்
கோலமிட..

என் விழியோடு
உன் விழி
கலந்திட..

என் இதழோடு
உன் இதழ்
கவிதை பேசிட..

நம் இடையில்
செல்லக் கரடியாய்
காதல்!

பனி கொட்டும் மார்கழி இரவில்
நிலவொளியில்
யாருமற்ற தனிமையில்
நீயும் நானும்
வேகமாய் ஓடும் கடிகாரமுட்களை சபித்தபடி..

நாம் முதன்முதலில் சந்தித்தது
இதே போன்றதொரு பௌர்ணமி நாளில் தான் ..
நாம் பிரிந்ததும்
இதே போன்றதொரு பௌர்ணமி நாளில் தான்..
அந்த நிலவை தவிர யாரிடம் பகிர்வேன் உன் நினைவுகளை!